nu arið er alveg að verða liðið...

Og það er bara gott held ég. Búið að vera ágætt ár í marga staði, mjög gott í suma staði og svona lala annars staðar og ég hlakka bara til að fá nýtt ár.

Jólagjafir:
nærföt, mjög falleg frá systrunum, Úr frá kæró og ég ætla að kaupa mér ofsalega fallega eyrnalokka frá mömmu núna á laugardaginn.

Mér finnst samt ekki eins og nýtt ár sé að koma. Finnst ég ekki alveg svonaí áramótastemmningunni. Af því það eru flugeldar hér kl. 5!!! um daginn!!! Ímyndiið ykkur. Það er vegna þess að scally fólkið hérna er svo ruglað að það er ekki hægt að hafa börn úti eftir kl. 18.00 held ég.

þannig hér er bara mynd af mér á gamlárskvöld í fyrra. massahress við Hallgrímskirkju í brjáluðum flugeldum. Áfram Ísland.

Næstu áramót verða heima. Jól eru fín hér, en áramót...ja við sjáum til.

samt spennandi að sjá hvað nýtt ár kemur með. góð byrjun. Gleðilega byrjun.

xx

gleðileg jol

Jæja þá fara jólin bara að koma bráðum ha. Sörurnar eru mjög góðar, ég er samt ekki búin að borða mikið af þeim, ég borðaði svo mikið deig þegar ég var að baka. Og smjörkrem líka. En mjög fínar samt sem áður, bíða hressar í frystinum eftir að við hjónakornin fáum okkur annað kvöld og á sunnudaginn.

ég er að vinna á morgun til hálfsex en við ætlum að hafa huggulegan mat þá um kvöldið, lax og eitthvað en svo rækjukokteil, önd, ostaköku, kex og osta og rauðvín og sörur auðvitað á sunnudaginn. Því þá er 25 og þá eru jólin hér.

Gott að prófa svona jól og svo hafa bara íslensk jól það sem eftir er... er það ekki? jú það held ég bara.

Fór í gær og keypti gjöf fyrir Maley, keypti voða flott útvarp sem hann er búinn að vera að tala um soldið lengi og er svo að spá í að kaupa kannski kokkabók.

Fór í gær út að borða með vinnufélögum mínum úr bókabúðinni. Mjög fyndið. Það eru allir svo hressir, og svona týpiskar liverpool gellur eru það besta. tala hátt, djamma hátt, klæða sig mjög takmarkað og mála sig mikið. en mjög skemmtilegar. Annars eru fáar svoleiðis í svona bókaormabúð.

í nótt dreymdi mig að ég væri að leika konunna hans Ricky Gervais í nýjum þáttum sem hann var að gera... office gaurinn. og ég hló og hló.. já við ricky hlógum og hlógum. og ég vaknaði svo glöð. Maley vaknaði líka glaður, sagðist elska mig þvíi hann var að dreyma mig... ekkert spes, ég var bara alltaf allstaðar í draumnum.. alveg eins og í lífinu sagði hann. Mér fannst það góð byrjun á deginum. Hann fór á fótboltaleik.. 3ja sinn sem hann reynir að sjá þennan sama leik, fyrst var rigning, svo þoka þannig að leiknum var alltaf frestað. Vona að það gangi núna. Svo eigum við deit í kvöld saman. Annars erum við voða heimakær orðin, komin með jólatré sem er pínulítið gervitré með fullt af ljósum.


Elsku vinkonur og systur... gleðileg jól.

ástarkveðjur
Sólveig.

Sorur sorur sorur

Jolin vaeru nu bara ekki jol ef ekki vaeri fyrir sorur. Sma update herna, er a bokasafninu med breskt lyklabord thannig thetta verdur stutt.

Stada : halfnud.

Byrjadi i gaer med tofrasprotann ad reyna ad stiftheyta eggjahvitur en thad gekk ekki. Reyndi ad nota gaffal... maley sagdi ad mamma sin hefdi gert thad i gamla daga.. held ad thad se nu bara einhver eldgomul aeskuminning fra thvi um aldamotin.. allavega. Gekk ekki. Reyndi ad nota thrystikaffikonnu til ad svona sja hvad kaemi ut ur thvi. Gekk ekki. Aftur yfir i tofrasprotann en haetti thegar hann for ad lykta undarlega og var farinn ad ofhitna. For i fylu og akvad ad skella mer i raektina i stadinn.

For svo i morgun og keypti mer theytara...thetta fara ad verda ansi dyrar sorur skal eg segja ykkur. 10 eggjahvitum sidar ( gekk heldur ekki i fyrstu tilraun med theytarann, eg var svo akof med sykurinn )gekk daemid upp og heima bida botnarnir nuna, ad kolna, og spenntir eftir ad sja hvernig gengur med kremid.

sem sagt allt i attina en thetta tekur tima. Maley er ad horfa a fotboltaleik i kvold. Vid erum buin ad thramma alla borgina i leit ad jolatrjam og thad kemur vaentanlega i hus a naestu dogum.

over and out i bili.

sol

myndir

Jæja þetta eru myndir af húsinu mínu.. ekki stórt? Við búum efst uppi og þetta er lítil stúdíó íbúð á tveimur hæðum, uppi er eldhús og stofa.. svona opið með þakgluggum og niðri er svo bað og svefnherbergi.
stór hringstigi niður en það er líka lyfta. sem sagt mjög huggulegt. Okkur vantar bara nokkrar hillur og kannski skrifborð jafnvel. Ikea er rétt hjá Manchester og stefnan er tekin þangað einhverntíma eftir áramót. javel.

Er að fá mér kartöflu súpu sem smakkast svona lukkunnar vel. Ákvað með sjálfri mér að baka sörur. Höfum gert það saman systurnar sl. jól endum alltaf á því að gera alltof margar og allt of stórar. Þær ættu að rennaljúflega niður. Vantar bara uppskrift, og svo verða sörur reddy á mánudag, þriðjudag. Maley horfir alltaf á mig með svona vantrúar - samt reyna að vera jákvæður þegar ég segist ætla að baka...svolítið svona eins og mamma... nema hún segir..viltu ekki biðja rúnu um að gera það frekar. Hvorugt hefur mikla trú á bökunarhæfileikum mínum. Sjáum hvað setur.

Hlakka til jólanna ennþá.

sólveig

jolagjafir og leitin að tilgangi...

Jæja, þá er maður bara búin að kaupa jólagjafirnar í ár.. ja svona að mestu. Það er alveg ótrúlega gaman finnst mér að finna gjafir fyrir fólk sem manni þykur vænt um. Ég fór út í morgun... ok í hádeginu..í smá stressi að ætla að svona rigga þessu af.. en svo er þetta svo skemmtilegt. Það er ótrúlega skemmtilegt að máta og leita að dóti og finna hvað passar hverjum og svona. Og ég er ánægð með þetta. Ég og Rúna gefum sko saman, af því við erum systur, og hún er í prófum þannig að ég sé um að velja mest af þessu.

Við ætlum að hafa kalkún á jólunum okkar hérna í Liverpool. Ég kann samt ekki að elda kalkún en mamma ætlar að senda mér uppskrift. Og ég er voða sátt við að ætla að elda sjálf..grunar samt að kæró eigi eftir að taka smá yfir en maður er nú að verða þrítugur þannig að það má nú ekki mikið seinna vera að skella sér í kalkúninn. Kæró var eitthvað að tala um gæs eða eitthvað en ég er ekkert allt of spennt fyrir gæs eða önd eða einhverju svoleiðis.. ég þoli svo illa bragð af villtu eða dökku kjöti.. svona lifrarbragð ..oj, var pínd til að borða þetta í æsku og hef ekki enn náð mér. En í lagi að öðru leyti eftir æsku mína.


og þá að tilgangi og leit að tilgangi..

ég horfði nefnilega á Grizzly Man í gær..

mögnuð mynd um mann sem bjó á sumrin með björnum og talaði við þá, og gaf þeim nafn og tók upp fullt á myndavél. Hann fór upp til bjarnanna þrettán sumur í röð, einhvers staðar í Alaska, eignaðis ref sem vin og talaði við dýrin og svona, eitt sumar var lítið búið að rigna og hann sat inni í tjaldi og öskraði á guðina að það vantaði rigningu til að fiskarnir gætu stokkið upp árnar og birnirnir fengju þannig að borða. Og það byrjaði að rigna. Hann var náttúrulega kolruglaður maðurinn. Alveg kolklikk. Leikari sem átti víst að hafa verið 2 í röðinni á eftir woody harelson að fá hlutverkið í Staupasteini.. en það er kannski önnur saga. Endaði með því að hann og kærastan hans voru étin af birni. Ekki skrítið. Talandi við villta birni 13 sumur í röð.. óhappa 13. Eða kannski happa, af því myndin sýnir mann sem finnur sér tilgang í lífinu. Hann heldur virkilega að hann sé að vernda birnina, þó svo þetta sé friðaður garður sem þeir búa í.. svona national Park. Merkilegt hvað það er til mikið af fólki í heiminum. Og er þetta ekki svolítið málið? Við erum öll hérna.. til hvers? Þess vegna finnum við okkur tilgang.. með því að læra eitthvað sem skiptir máli, og vinna við það, ferðast, berjast fyrir því sem við trúum á, eignast börn.. þau gefa manni tilgang er það ekki? Einhver sem þarf á manni að halda. Vera ástfangin og vera í sambandi, þá er tilgangur. Lesa bækur, það er hægt að finna tilgang á margan hátt held ég. Og þessi maður í myndinni hann fann sinn með því að vernda birni.. sem þurfti í raun ekki að vernda en þetta gaf lífi hans tilgang... og svo var hann auðvitað étinn.

En

allavega. Grizzly man, heimildarmynd eftir Vernard Herzog... kíkið á hana ef þið getið. Mjög spes.

Og talandi um að kalla fram rigningu þá man ég þegar verið var að mála sæbraut 13 hjá Hrefnu um sumar og ekki ský á himni. Við áttum að vera úti að leika í góða veðrinu en vildum inn. Fundum því járnsmið og drápum hann. Fundum annan til öryggis og drápum hann líka. Og viti menn. Rigningin kom og við fengum inn. Og þau þurftu að stoppa málninguna. Við hæstánægðar yfir þessu.
Maðurinn og náttúran. Manstu? Já svona var brallað.

hrefna hrefna hrefna

haha.. litla dúllan,

jæja aftur sit ég hérna í FACT kaffihúsinu.. það eru nefnilega eiginlega engin kaffihús þar sem hægt er að komast ókeypis á netið.
ég sakna...
kaffitárs
sundlauga
mömmu
ykkar
krílanna
snjós
útsýnisins frá laufásveginum
moggans


stend mig að því að leita að ljósmyndabókum um Ísland og fletta þeim í vinnunni.. fann eina góða í gær þar sem sást í Fríkirkjuna og Tjörnina og miðbærinn er bara svona eins og krúttlegur sveitabær.

ein komin í nostalgíukastið og búin að vera hér hvað í fjórar vikur.... hmmm.

En allt fínt að frétta, og nú þarf ég að þjóta í vinnunna. Ljósmyndasnúran mín er á leiðinni og þá fáiði sko myndir.

xx
sol

hrefna hrefna hrefna

allt að verða vitlaust...

nei bara smá, er byrjuð að vinna og það er mjög gaman. Svo mikið af skemmtilegum bókum. allir í vinnunni voða næs, ég er núna í hádegismatnum mínum. Maley búinn að vera veikur... kveinkar sér mikið og talar um malaríu...það er svona stundum.

Las bókina The blind assassin... mjög góð, las alveg fram á nætur alla helgina... elska að detta í svona sögur. mæli með henni eftir margret atwood...heyra í mér nýbyrjuð í bókabúð týpan að mæla með bókum...hef nú ekki verið hinn mesti lestrarhestur sl.ár.

og hvað meir? fullt af bókum. Hér er líka fullt af búðum til að versla í. Og ég skal skrifa meira seinna.


Soldið tricky að vinna svona frá 11.. ég fer nú ekki beint að vakna 9 til að fara að blogga og eftir 7.30 þá er kannski búið að loka... en ég verð samt dugleg áfram.

sakna ykkar allra rosa mikið
xx
sol

ps. erfitt að skilja liverpool búa... allt svona chhh kkkkhhhh shhhckkkcckkshhhk

eins ars og timinn liður

Haddý ömmusystir krútt!
Það er svo gaman að fá svona komment frá ykkur líka. Takk fyrir þau. Mjög skemmtileg enda skemmtilegar vinkonur og systur sem ég á.. já maður er ríkur.

Talaði við mömmu og ransý í morgun áður en þær lögðu af stað. Verður örugglega gaman hjá þeim í Heidelberg á jólamarkaðinum.

Jú jú jólastemmningin svífur yfir vötnum hér.. það eru allir úti að versla.. fólk verður nú svolítið brjálað í þessu hafaríi. Minna má nú vera...en mér finnst jólin skemmtileg. Ég ætla að kaupa lítið jólatré og skreyta og borða góðan mat og horfa á nýja sjónvarpið okkar...jú jú ASDA ferðin endaði auðvitað með að kaupa 21 tommu nýtt sjónvarp, 3 rauðvínsflöskur, bjór, krydd, dósamat, nautakjöt í frystinn, snakk, einhvern ógeðslegan lauk sem maley vildi endilega kaupa...jólalaukur í krukku..allavega, lasagnamót og uppvöskunargrind og fleira og fleira skemmtilegt. Sumt fór í jólaskápinn og annað í venjulegu skápana. Sannkallaðir jólaálfar.. Svo fórum við á markaðinn sem var að opna og ég fékk stóra þýska kryddpulsu í brauði og svo fórum við og fengum okkur rauðvínsglas og svo heim og elduðum. Það er allt opið til 21 á fimmtudögum sko.

Svo sá ég líka túlípana til sölu og þeir koma nú venjulega ekki fyrr en í janúar en þar sem ég keypti mér jólastjörnu um daginn ætla ég að bíða með túlípanana. Rímar við bananana. hahah brandarakellingin ég ha!!

Já hann krúsí litli Einar Arnar á svo afmæli á sunnudaginn. Ég er búin að senda smá pakka en hann kemur líklega ekki fyrr en í næstu viku. En hér er mynd af lille prinsen.

já sem sagt þá er heimilisfangið mitt

flat 33,
1. Crosshall Street
L16DQ
Liverpool
England.

Knús og kossar
Sólveig

hver er hun?

Já sko svona lærir maður smám saman. Hvernig líst ykkur á myndina. Ég fer ennþá að hlæja þegar ég hugsa um þetta. Hrefna og Geir sitja á móti hvort öðru hún eins og prinsessa og hann líka voða fínn. Ég hress með nýju vélina mína að reyna að lyfta henni upp og takamynd af brúðinni (svona eins og maður gerir á rokktónleikum) og eina sem ég næ er grái kollurinn á dularfullu konunni. Hélt ég myndi pissa í mig af hlátri. Mamma húðskammaði mig en Obbu sem sat fyrir aftan fannst þetta voða fyndið..eins og mér.

Allavega hér er hún...og ég búin að læra að uploda myndir á bloggið mitt.
Ég ætla að æfa mig meira,... finna eina frá liverpool því ég á enn eftir að kaupa snúru til að millifæra myndirnar mínar. Geri það fjótt og tek myndir.

nei engin skemmtileg frá liverpool í tölvunni þannig að það verður bara að bíða betri tíma.

Jæja og hvað er svo að frétta? Mín búin að fá vinnu í Waterstones bókabúðinni fram að jólum. Fór í mjög skemmtilegt vinnuviðtal og var rosa lukkuleg með þetta allt... nema kannski kaupið en jæja.... sagði þeim hvað ég væri nú hress týpa og svona almennileg við viðskiptavini... soldið gagnslaus en voða næs.. þið vitið. Og fékk vinnuna. Byrja á þriðjudaginn. Maley var líka voða glaður með það, ég held hann hafi stundum smá áhyggjur af að mér leiðist. Hringir öðru hvoru bara svona til að tékka á mér og svona. En ég er alveg í góðum málum bara. Ofsalega afslöppuð... enda ekkert til að hafa áhyggjur af svo sem.. og ekkert til að gera... nema blogga og fara kannski í sturtu öðru hvoru.

Var svo að byrja í leikfimi. Keypti mér kort og fór í yoga í gær. Það var ekki eins og hjá henni Ingibjörgu Stefáns í yoga shala heima á Íslandi..., kom heim eftir tímann og sagði við kæró að ég saknaði yogakennarans míns. Hann skildi það vel... líður líka svoleiðis þegar hann fer á kaffibarinn og borgar 550 krónur fyrir bjórglas... þá saknar hann bresku pöbbanna þar sem bjórinn er á pund og nítíu. Við skiljum hvort annað...þó þetta sé yoga og bjór.

Já svo skellti ég mér til Manchester í gær og fór í viðtal vegna svona skólaleiktúrs... var komin í voða slum hverfi, var greinilega að fara heim til einhvers en ekki á neina skrifstofu.. eða svona þið vitið og var næstum bara snúin við en tók mig á og bankaði. Og þegar ég opnaði tók á móti mér glaðlyndur maður..hann stephen leikstjóri, með gleraugu og kryppu og bauð mér inn og ég sá alveg að það var allt í lagi. Bauð mér vatn að drekka sem ég þó afþakkaði og við spjölluðum um hitt og þetta en ég efast um að ég nenni að fara að leika Lísu í undralandi fyrir breska skólakrakka af því ég þarf líklega að flytja til Manchester nokkra daga vikunnar... og til hvers þá að hafa flutt til Liverpool eiginlega? Til að sofa í Manchester... nei ég efast um að ég geri þetta ef hann biður mig um það. En gaman að fara til Manchester og ég pikkaðu upp bækling um Masterskúrsa þar. Það er svo mikið hægt að læra!!!

Ég ætla að kíkja betur á þetta. Væri ekki vitlaust að læra eitthvað meira. Bara svo erfitt að ákveða hvað. Ég var bæði að kíkja á master í leiklist.. en það er kennt í póllandi.. og svo fór ég allan hringinn og var kominn á það að fara í umhverfisfræði og svona sustainable enviroment... eða European culture and philoshpy. Úr mörgu að velja.

Já ég er sem sagt komin með nýjan síma.. motorola (mér finnst nokia betri) og nr. er 07726168008. Fékk held ég ekki sms frá þér rúna... kannski á maður að sleppa 0 og bara 004477 etc. prófaðu það.

Talaði við Ásdísi áðan.. ég var nefnilega í rúminu að lesa alveg fram undir hádegi í dag og fór svo í ræktina og svo hingað... mjög rólegur dagur í dag eftir æsinginn í gær með manninum með kryppuna... og henni líður vel og Auði litlu líður líka vel og Snorri er líka hress en skilur samt ekki alveg af hverju hann má ekki fara með litlu systur í tivolí og svona leika meira með hana. ...undarlegt þetta líf stundum.
jæja kæró var að hringja og vill fara í ASDA... sem er stór verslun... ég held hann vilji kaupa stórt sjónvarp. Ég held hann sé svona laumugræjukall.... nýjasta er líka að þegar við verslum í matinnn eigum við líka að kaupa eitthvað gott til að geyma til jóla.. mjög góð hugmynd en núna er hann farinn að kaupa bara jóladót...við erum komin með Kampavín, Púrvín, súkkulaði, jólaköku og þurftum að stækka jólaskápinn... en enginn matur.

Ok ég sakna ykkar og elska ykkur. Verð dugleg með myndir svo.
xx
sol

ok virkar þetta???

einn dagur enn...

Jæja, ég var svo lukkunnar ánægð með öll kommenntin að ég verð að halda þessu áfram. Komst reyndar í smá bobba því ég vissi ekki hvernig ég átti að finna aftur þetta blogg sem ég byrjaði á en svo gekk það. Og ég gat líka loksins opnað bumsjakabloggið okkar vinkvennanna. Eins gott að ég hef svona mikinn tíma til að vafra á netinu. Núna er ég t.d. að tala við hann bessa minn á netinu og hann er að senda mér myndir frá hawaí af mömmu sinni held ég. Meira krúttið, vélritar rosa hægt en er rosa duglegur.

Jæja og hvað er svo að frétta.. sko ég er búina að finna alveg rosalega flottan gulan kjól sem mig langar svooo í. Hann er æði.
Svo fór ég í hádegismat með Maley sem var voda huggó og sit núna á kaffihúsinu og er að tölvast.

en ég er ekkert bara að hanga samt... fer í viðtal í Waterstones á þriðjudaginn, fyrir svona jóladjobb og svo á miðvikudaginn er ég að fara í viðtal út af leikaravinnu. Svona skólatúr eitthvað. Gæti samt verið mjög gott til að æfa sig í að tala almennilega ensku aftur. Þriggja milljón króna fína drottningarenskan mín er svoleiðis fokin út í veður og vind og nú ræður íslenski hreimurinn ríkjum í kroppnum, sem er mjög gott því ég skil ekki liverpool búa og þeir ekki mig, þannig að við þurfum bara ekkert að tala saman..

krúsí bessi er að senda mér myndir af rúnu og ömmu, þ.e. mömmu. Og hann er líka að læra. Hann er svo skemmtilegur. Erna var líka að segja mér svo skemmtilega sögu af Sverri en ég má nú ekkert segja hana....

Já hvað meira, ég ætla að fara að kaupa myndvéla dót til að geta tekið skemmtilegar myndir og sýnt.
fór í bíó í gær á breaking and entering... með jude law.. mér finnst hann bara ekkert sætur. Ég er kannski meira fyrir öðruvísi týpur. Hann er allt of fínn eitthvað... og svo var líka robin wright penn í myndinni... hún er voða sæt og rosa flott en lítur alltaf út fyrir að hún sé alveg að fara að gráta, svolítið svona eins og í den þegar hún var í þáttunum þarna með Eden og Cruz.. hvað hétu þeir aftur? Alveg dottið úr mér. Oh nú get ég ekki hugsað um annað..., texta Hrefnu í danmörku sem mun svara skjótt og þá get ég haft það sem lokaorðin í dag.

Sem sagt, allt fínt, tók gild systraorðin og er nú búin að opna fyrir comment á alla. Bessi er hress og er að læra, sendi mér blikkandi kall á sundskýlunni, hann er soddan sjarmör og nú er mamma hans komin heim. Bölvað vesen, ég er ekki með nóg kredid til að senda Hrefnu sms þannig að við bíðum bara spennt eftir kommentum. AHHHH þarna kom það SANTA BARBARA... nema hvað...æskuminningar hverfa ekki svo glatt!!!!

ok þetta er að koma...

jæja, ég veit ekki hvernig mér tókst þetta. Að búa til bloggsíðu. Sit á kaffihúsi og er mjög hissa á sjálfri mér. Ég var nefnilega að reyan að opna síðu sem við vinkonurnar erum með saman, ég er ekki búin að skrifa neitt þar í örugglega 2 ár af því ég gleymdi lykilorðinu, en mér á ekki að takast að opna síðuna. Og þar með er það komið, ætli ég gefist ekki endanlega upp á að skrifa á búmsjaka og byrji bara á minni eigin.

já takk.

og hvað er svo að frétta? Jú allt gott, ég er atvinnulaus í liverpool en það stendur þó til bóta.. þetta með atvinnuleysið. Er búin að sækja um allskonar störf hér og þar í bítlaborginni og bíð spennt á kaffihúsi með símann við hlið mér eftir að einhver átti sig á hversu ómissandi starfkraftur ég er og bjóði mér himinhá laun fyrir að gera eitthvað ótrúlega skemmtilegt.

íbúðin er rosa fín og kósí og kæró góður við mig. Hann var að frumsýna stuttmynd sem hann er búinn að vera að vinna að sl. föstudag og ég ætlaði svo sannarlega að vera fín. Skellti mér í boots og keypti mér rúllur í hárið. Fór heim og fylgdi leiðbeiningunum vandlega, taka smá hár, bleyta, spreyja rúlla, bleyta spreyja rúlla, bleyta spreyja rúlla. Hita með hárþurrku og láta þorna. Vaskaði upp með nýju bleiku uppvöskunarhönskunum á meðan þetta var að gera mig ótrúlega fallega og ævintýralega um hárið. Svo á maður að rúlla varlega hárið af og vola krullur. Gekk ekki. Leið svolítið eins og hrefnu þegar þurfti að klippa. Leit út eins og fuglahræða og setti allt saman upp í hnút og keypti mér djúpnæringu. Aumingja hárið mitt.

Ég þarf að æfa þetta eitthvað betur.

xxí bili.

hmm virkar þetta??

jæja það er spurning hvar skal byrja?
byrja bara hér. það er rigning og ég sit með nýja maccann minn sem ég kann ekkert á og þarf núna að reyna að laga þetta eitthvað til. fontinn sko.
ef þetta virkar þá skrifa ég kannski meira seinna.

mér finnst eins og ég sé rétt að fæðast á þessari tölvuöld....